Dediká na 4 baluarte di p’ariba Otro for di tur otro
Plataforma Banda Riba, Sentro di Bario Sta. Rosa I Shurendi Pieternella a uni pa trese un aktividat grandi pa e pueblo di Banda Riba. Dia 30 di òktober lo bai ta un dia grandi kargá ku aktividatnan kultural den Banda Riba. For di 10 or di mainta lo bai tin un torneo di domino den Hòfi Sterke Yerke. Henter dia lo tin músika, ko’i kome i kos di boka dushi den e hòfi. Sperando e Marcha Kultural yega, ku ta sali for di Botica Mampuritu pa 3or di atardi. 6or e Marcha lo yega Hòfi Sterke Yerke kaminda lo bai tin un tremendo Paranda di Kultura.
E marcha lo konta ku sosten musikal di Bem Brassband, D.J. Sandro, Sablika i tambe Era. Den e Paranda di Kultura lo tei Los Originales, Aya i su Grupo, Grupo Ruta, Dreams huntu ku Hunnely i tambe Richie Rich. E aktividat ta wòrdu dediká na kuater baluarte di Banda Riba kual ta:
- Viviana Braafhart
- Hubert “Juni” Aniceta
- Carlos Wouter
- Norien Kirindongo
Karchinan, reservashonnan i/òf mas informashon bo por haña na 515-6358 Sonalie òf Ella na 510-8319. Tambe por haña karchi serka tur miembro di direktiva, integrantenan di Sablika, Golden Touch Barbershop i na sentro di Bario Sta. Rosa.