Dia 19 september  2017  direktiva kultural  Banda Ariba huntu ku Shurendi Pieternella  a tene nan rueda di prensa kaminda a presenta nan  programma pa ku  e  di 2 anja  Marcha Kultural Banda Ariba i ta fecha   pa dia 29 oktober 2017. Marcha kultural ta un marcha kaminda bo ta hanja  e kombinashon di gruponan di karnaval i esnan di Seu  i lo marcha di Botika Mampuritu Sta. Rosaweg i termina na Hofi Sterke Jerke.

Baluartenan pa ku e Marcha Kultural Banda Ariba 2017  : Sr. Ludgene Balentien ; Sr. Renier Lijfrock;  Sra Joyce Dometilia i Sra Ingrid Polonius.

E marcha ku ta gratis pa tur gruponan di karnaval i Seu  lo sali for  2 or merdia i termina pa 6 or atardi  i  lo tin partisipashon di Drum Squad ; Dj Wendi 3G ; Dj Sandro  i Grupo Ritmiko Sablika. Den Hofi Sterke Jerke ku for di 5or atardi ta habri  su portanan lo tin e  Exploshon Kultural kaminda lo tin  bendementu di kuminda , koi bebe i stentnan di kos dushi tur esaki bou di animashon  di  Ruta ; Los Originales; Kor los Carmelitas ; Sonrisa ; grupo tambu Zojojo i guest star Aya i komo cherry riba e bolo ERA  ku lo sera e dia aki.

Prijs pa drenta Hofi Sterke Jerke ta 15 florin. Pa kualke  informashon  i inskripshon di gruponan por tuma kontakto ku Ella Bernabela (5108319 ) i of Sonalie Rollins ( 5156358 )