Aruba Bank ta orguyoso di ta sostene soño di un hoben. Na Inglatera

ORANJESTAD, Aruba – 22 di Augustus 2018: E hoben Marc Erasmus, un productor musical, ta selecciona pa participa den e Masterclass Training na Inglatera specialmente dedica na productornan musical. P’e por a logra su soño, Aruba Bank a haci un donacion na e hoben aki.

Marc Erasmus,conoci como MARC ERA, Party General y Marco Douglazzo, ta produciendo y publica musica pa 8 aña caba y a acumula mas di 200,000+ stream rond mundo. Airbit Academy a organisa e training aki y a scoge Marc Erasmus entre mas di 100 aplicacion rond mundo. Den e training aki e participantenan lo ricibi guia door di productornan renombra internacionalmente manera Curtiss King, kende a produci musica pa Warner Music y Interscope Records.

Aruba Bank ta orguyoso di e oportunidadnan cu hobennan di Aruba ta ricibi pa mehora y bira grandi den nan area di arte, deporte, musica y hopi mas. Aruba Bank ta contento di yuda hobennan logra nan meta. Aruba Bank ta desea Marc Erasmus exito den su training na Inglatera.