Willemstad- Curoil kontinuamente ta invertí den mehorashon di kalidat di servisio na su klientenan i p’esei Curoil ta informá ku den luna di novèmber lo hasi trabou di mantenshon riba e sistema di Curoil Comfort (C2), kual ta e servisio pa kumpra kombustibel na diferente pòmp di gasolin rònt Kòrsou i Boneiru pa medio di un  karchi (karchi di Curoil òf karchi bankario). Durante e periodo di 7 di novèmber te ku 9 di novèmber 2014, Curoil lo hasi trabou di mantenshon riba e sistema di C2. E mantenshon ta nesesario pa Curoil por optimalisá e sistema aktual i garantisá un mihó servisio. Dia 7 di novèmber pa 10or di anochi Curoil lo bishitá tur pòmp di gasolin pa asina paga e terminal di C2. Konsekuentemente lo no ta posibel pa hasi uso di e mashin. Seguidamente e mantenshon lo tuma lugá di akuerdo ku un skema te dia 9 di novèmber próksimo. Durante e periodo di mantenshon, kliente no por hasi uso di e sistema di C2 na e 17 puntonan di benta kaminda tin e servisio di C2 na Kòrsou. E kliente por sigui kumpra kombustibel solamente ku sèn kèsh durante e periodo ariba menshoná. Despues di e periodo di mantenshon, e sistema di C2 lo bai bèk na normalidat pa asina tur pòmp di gasolin por sigui brinda e servisio di C2 na su klientela. Pa e motibu aki Curoil ta avisá tur kliente ku ta kumpra kombustibel ku karchi na Muizenberg, Cas Chikitu, Sta. Helena, Juan Domingo, Isa Saliña, Tera Cora, Sta. Rosa, Pablo Frederik, Hanenberg, Parera, Biesheuvel, Scheidelaar, Buena Vista, Colon, Cas Cora, Emmastad, Ruyterkade, pa tènk kombustibel na tempu pa asina evitá kualke inkumbinensia. Curoil ta pidi su diskulpa pa e inkonbeniensia ku esaki por trese na su klientenan durante e periodo di mantenshon. Na momentu ku e mantenshon tuma lugá e kliente por benefisiá aun mas di e sistema di C2.