Kampaña riba Social Media #DigicelKiss pa Dia di San Valentino

WILLEMSTAD, febrüari 2015: Preparando pa dia di San Valentino Digicel ta lansa un kampaña riba Social Media yamá #DigicelKiss. “E biaha aki nos tabata ke a enfoká e kampaña riba -kompartí amor ku próhimo. Dia di San Valentino no ta únikamente un dia pa selebrá entre pareha, pero tambe entre amigu, mayor ku yu i den henter komunidat. Un dia èkstra pa suprayá un sentimentu noble i di kompashon pa otro. Pesei mes, e akshon aki ta dediká na Hospice Arco Cavent Curaçao”, esaki di akuerdo ku srta. Thessa Fleming di Digicel. Pa kada potrèt riba Instagram òf Twitter di Abo mandando un sunchi ku e ‘hashtag’ #DigicelKiss, lo hasi un donashon di 1 florin na Hospice Arco Cavent Curaçao. Pues, ta hasi un invitashon pa Abo tambe aportá na e bunita kousa aki. Hospice Arco Cavent Curaçao ta un organisashon ku ta proveé kuido médiko i sosial na habitantenan ku enfermedat terminal. Pa mas informashon tokante di e organisashon aki por bishitá nan página wèp www.arcocaventcuracao.com òf pagina di Facebook Hospice Arco Cavent. Yuda Digicel aportá na e bunita kousa aki i kompartí ku bo famia i amigunan. Partisipá den e kampaña pa huntu rekoudá un montante signifikante pa Hospice Arco Cavent Curaçao. E kampaña aki ta vigente te ku dia 14 di febrüari próksimo, Dia di San Valentino. Manda un sunchi Abo tambe i yuda Digicel rekoudá fondo pa Hospice Arco Cavent Curaçao. Kòrda ‘hashtag’ #DigicelKiss riba e potrèt.