…Pabien na Charlton Echobardo…

WILLEMSTAD-OUG: “Klientenan ta kontentu ku e promoshonnan di ‘SMS i GANA’ ku nos tin, na unda ta duna tur hende oportunidat di gana premionan masha atraktivo”, esaki di akuerdo ku ehekutivo di merkadeo Sra. Shayenne Rock. E biaha aki ta Sr. Charlton Echobardo ta bai kas ku un Samsung S3 Mini, dor di a partisipá den un di e promoshonnan di SMS. E ehekutivo di Digicel ta sigui splika ku e ‘SMS Promotion’ ta un di e maneranan pa Digicel keda interaktivo ku su klientenan, naturalmente tin diferente otro promoshonnan riba Facebook tambe. Un di e promoshonnan ku ta halando hopi atenshon ta e kampaña na unda ku klientenan tin chèns di gana karchi pa Curaçao North Sea Jazz. Tin 3 diferente manera pa gana. Pa partisipá, e kliente mester aktivá One Rate- manera ya tur hende sá, esaki ta e plan ku e tarifa mas abou na Kòrsou. Rekargá bo kuenta ku 10 florin òf mas, yama *160# i aktivá- outomátikamente bo tambe ta partisipando pa GANA e 2 karchinan. Tambe por apliká pa e sistema di pago di ‘direct debit’ pa esnan ku tin telefon post-pago òf e manera di mas fásil por SMS JAZZ na 2000, kada SMS ta kosta 20 sèn. Tin 6 karchi total pa wòrdu ganá, 2 pa e ganador di SMS, 2 pa ‘direct debit’ i finalmente 2 pa e ganador di e plan di One Rate. Un persona lo gana ámbos karchi pa bai Curaçao North Sea Jazz djasabra 31 di ougùstùs próksimo. * Tin kondishonnan aplikabel. Keda pendiente di e página di Facebook di Digicel pa keda na altura di tur e promoshonnan ku tin den e temporada aki. Por partisipá pa e karchinan di CNSJ te ku 27 di ougùstùs, pues sigui manda bo SMS.

Riba foto athuntu, momentu ku Sr. Charlton Echobardo ta risibí su premio for di Sra. Shayenne Rock di Digicel.