Pa dia di mama Randal Corsen i Dibo Doran ta presentá un show speshal pa mamanan di tur edat titulá ” Mama Pa Semper”

Randal Corsen e gran músiko pianista internashonal Yu Di Kòrsou, kende porsierto a kaba di risibié e premio “Cola de Brot”, huntu ku e talentoso hóben músiko/kantante/kómiko Dibo Doran, ta trese e gran show aki.

E show lo wòrdu kombiná ku un tiki di humor i hopi músika di tur género i riba nivel pa e públiko presente por gosa. Tur esaki lo tuma lugá dia 13 di mei 2018 na Octagon Plaza na Avila Beach Hotel.

Lo tin diferente artistanan speshal invitá pa hasi e anochi aun mas plasentero! Keda pendiente pa mas informashon tokante e pa dia di mama “Mama Pa Semper”.