E talentoso hoben Maiky-son Bernadina a gana e edishon di Primavera di Friends Golf. Djasabra atardi e torneo aki di kada tres luna, a tuma lugar riba e kanchanan di Blue Bay Resort. Ku un total di 37 punto Stableford Net, Bernadina a resulta superior, lagando Nienke Antonides i Juan Manuel Vasquez su tras  kada un, ku 34 punto. Antonides tabatin un miho ultimo nuebe buraku ku kual ela akreditá e di dos luga.

Den e kompetensha Gross, esta sin handikep, Ronny “Payuyu” Felicia tabata e ganador ku 27 punto. Balanan mas largu a bai pa Mieke Korevaar, Elfried Privania I Wendel Soliana, mientras ku esnan mas serka di buraku tabatas pa Myra Vesseur i Angelique Schoop. Riba e foto e ganador Bernadina i otronan ku a kay den premio.