Willemstad – Kòrsou – Manera nos a anunsiá na yüli e aña aki, Maduro & Curiel’s Bank ta bai tin algun kambio den su ret di brènch.

Pa medio di esaki nos ta rekordá nos Klientenan ku entrante djabièrnè 28 di sèptèmber 2018, MCB lo sera e brènchnan na Otrobanda (Breedestraat Otrobanda) i Mangusá Hypermarket.

Despues di djabièrnè 28 di sèptèmber 2018 tur kliente di MCB Otrobanda (Breedestraat Otrobanda) ta bon biní pa sigui hasi uso di nos servisionan na e brènch mas serka, ku ta na nos brènch na Colon òf Punda.

Nos Klientenan di MCB Mangusá Hypermarket por bishitá nos brènch na Rooi Catootje òf na Brievengat. Naturalmente klientenan por hasi uso di kualke brènch ku nan ta deseá i ku ta kumbiní nan.

Mientras Klientenan por hasi uso di nos brènch temporal na Saliña, nos ta pidibo keda pendiente pa    re-apertura di nos brènch na Saliña, ku ta den e fase final di renobashon i ku lo bira nos promé filial kompletamente digital.

Maduro & Curiel’s Bank ta keda invertí den maneranan bankario nobo pa sigui ofresé produkto i servisionan aún mas rápido, kumbiniente i inovativo.