WILLEMSTAD – Seguro por ta algu hopi kompliká pero Maduro & Curiel’s Bank N.V. un biaha mas ta demostrá ku asta riba tereno di seguro e ta keda É Banko Amigu. MCB ta sigui inová i su departamentu di seguro, Maduro & Curiel’s Insurance Services (MCIS), a hasi e tema di seguro mas fásil, komprendibel i prèt pa un i tur, ku introdukshon di e seguro nobo yamá: BSure. Den un ambiente ameno ku gerensia, kolega, invitadonan i prensa, MCIS a introdusí e diferente tipo di seguronan ku BSure ta ofresé. Ta trata aki di seguro di biahe, kas, inventario di kas i outo. Direktor di Maduro & Curiel’s Bank, señor Chicu Capriles despues di palabranan di felisitashon i un introdukshon kòrtiku, a pasa palabra pa señor Eric Erkelens gerente di Maduro & Curiel’s Insurance Services ku a duna un presentashon kompleto di BSure.

Benefisionan:

BSure ta un seguro ku kliente di MCB por kumpra fásil online via www.bsurecuracao.com òf na kualke brènch di MCB ku ta situá stratégikamente rònt Kòrsou. Esaki ta hasi e aplikashon pa BSure hopi mas fásil i lihé p’e kliente. BSure ta duna e posibilidat pa por kalkulá e prima di seguro online promé ku sera e seguro. Otro benefisio úniko ku BSure ta ofresé e kliente ta e posibilidat pa hasi pago di su seguro mensualmente. BSure ta un produkto bèrdè pasó e pólisa ta keda mandá online via email na e kliente ku ta sigurá instantáneamente. BSure su pólisa ta disponibel na tres idioma kual ta Papiamentu, Hulandes i Ingles. Pa seguro di outo BSure tin un tarheta spesial pa evitá ku den outo ta keda yen di papel. E tarheta aki ta pas den pòtmòni i ta un prueba di seguro.

BSure

Hopi biaha ora nos ta papia di seguro nos ta puntra nos mes “Ki bo sa dje ko’i?”. P’esei e ekspertonan di MCIS a bin ku e solushon fásil ku ta BSure. Algu poko kompliká a bira super fasil. Manera e nòmber di e seguro mes ta bisa, klientenan di BSure por ta sigur ku semper nan ta bon sigurá. E aplikashon ta mas fásil ku laba tayo, kologá un kuadro i te asta hasa un webu. E echo ku BSure ta ofresé seguronan di kas, biahe, inventario di kas i outo ta pone ku awor bo por sigurá solamente na un kaminda i na tarifa sumamente kumbiniente. Pa mas informashon tokante BSure, por fabor yama: 466 0101 òf bishitá e wèpsait di BSure na: www.bsurecuracao.com BSure tambe ta riba Facebook. Pa seguro mas lihé, mas fásil i mas simpel….. ta na Bo Banko Amigu bo mester ta!