Barber brènch tambe a yama klientenan i bario danki.
WILLEMSTAD – Djamars 16 di febrüari Maduro & Curiel’s Bank a kontinuá ku su aktividat pa yama klientenan ku ta bishitá nan brènchnan danki pa nan sosten, lealtat i konfiansa. E di dos aktividat na brènchnan den kuadro di MCB su rumbo pa 100 a tuma lugá na brènch di Barber. Bo Banko Amigu a sorpresá tur kliente ku a bishitá brènch di Barber ku un dushi trit i un bunita rekuerdo. Mas atardi riba lugá di stahoná outo na brènch di Barber, entre 3.00or i 4.30or djatardi, tabatin presentashon di vários grupo di baile, brassband i shou di Excel Arts Academy i Krea Dansa. Tur presente a gosa un bòl i naturalmente tabatin algu pa sisti e stoma i baha e set. Tambe a rifa bou di e klientenan i habitantenan ku taba’tei presente: 5 Kompa Leon Gift Card na balor di NAf. 100,– kada un.
Komo muestra di apresio i sosten na e área di brènch di Barber, koleganan i e supervisor di e brènch huntu ku miembronan di e tim di maneho di Bo Banko Amigu a hasi entrega di un chèk na balor di NAf. 5.000,– na Kolegio Don Sarto. Ku e donashon aki, MCB ta spera di por yuda maestronan i alumnonan di Kolegio Don Sarto pa nan por logra konkretisá algun di e bunita proyektonan ku nan tin planiá p’e skol.
Keda pendiente pasó e luna aki tambe, pa ta mas eksakto: djárason 16 di mart Bo Banko Amigu lo bolbe sorpresá klientenan di un di su 14 brènchnan.