Willemstad – Djamars dia 17 di desèmber 2019 Maduro & Curiel’s Bank N.V. komo promé Banko na Kòrsou a lansa su green area na e filial na Rooi Catootje (Lio Capriles Banking Center).

Mas i mas nos ta nota vehíkulonan eléktriko riba kareteranan na Kòrsou. Ku esaki ta bini tambe e nesesidat pa stashonnan di karga i lugá di parker. E ‘green area’ aki ku dos lugá di stashoná ta sirbi komo ‘charging station’, esta stashon pa karga vehíkulo eléktriko na Kòrsou.

Den e afan pa sigui konsientisá i duna un kontribushon bèrdè na nos dushi Kòrsou i nos planeta, Maduro & Curiel’s Bank ta ofresé e oportunidat pa klientenan karga nan vehíkulo eléktriko na e ‘D-POINT Business Line charging station’.

MCB ku orguyo ta indiká ku e ‘Charging Station’ aki a keda realisá den kolaborashon ku Dynaf Group i ta den e tòp 3 di e ‘green’ areanan na Kòrsou ofresiendo 2 lugá pa karga bo vehíkulo eléktriko mientras bo ta hasi uso di servisionan di nos Banko.

Ku inougurashon di e ‘Green Area’, MCB ta sumamente orguyoso di por sigui promové i sostené e movementu bèrdè na Kòrsou ku e ta para p’e pa hopi aña kaba.

MCB ta sigui duna un kontribushon di bèrdè mes. Bo tambe ta djòin?

Riba potrèt por mira: Sr. Chicu Capriles, Sr. Omar Russel i tim di Dynaf