WILLEMSTAD: Dia 31 di desèmber 2017 e kampaña di Maduro & Curiel Bank i Fun Miles “Bo Tempu ta Oro” a finalisá. Un kampaña kaminda Bo Banko Amigu a duna informashon i splikashon na klientenan spesialmente via Facebook, tokante diferente servisionan ku por yuda e kliente spar tempu.  Servisionan di MCB manera: hasi transakshonnan bankario i/òf rekargá telefòn via MCB Online Banking, hasi uso di MCB Mobile App, hasi pago òf rekargá telefòn ku PAGOmatiko, rekargá telefòn ku SMS 1111, lanta òf depositá sèn òf rekargá telefòn na un Bankomatiko di MCB.

Kada bes ku un kliente a hasi uso di un di e servisionan ariba menshoná, e la partisipá outomátikamente den e kampaña di “Bo Tempu ta Oro” ku chèns di gana un di e dos premionan di 100.000 Fun Miles. E dos felis ganadornan a resultá sr. Frendsel Lacruz i sra.  Ingrid van Gastel. Masha pabien na e ganadornan!

MCB i Fun Miles ta gradisí tur esnan ku a spar tempu dor di hasi uso di e servisionan di e kampaña “Bo Tempu ta Oro”.