Willemstad, Mirando e situashon mundial i aktual na Kòrsou en konekshon ku Corona Virus (COVID-19), Maduro & Curiel’s Bank a tuma e desishon pa posponé, te un próksimo aviso, nos MCB Autoshow 2020, ku lo mester a tuma lugá dia 28 i 29 di mart. E desishon aki nos a tuma den deliberashon estrecho ku tur e dilernan di outo ku lo a partisipá na e evento aki.

Maduro & Curiel’s Bank komo prekoushon pa seguridat i salubridat ta enkurashá tur kliente pa sigui hasi uso di nos servisionan elektróniko, ku ta disponibel 24 ora pa dia, manera MCB Online Banking, MCB Mobile Banking, SMS 1111 pa rekargá bo telefon, 24/7 Deposit pa komersiantenan hasi depósito i nos Bankomatikonan pa sea lanta òf depositá plaka/chèk òf pa rekargá telefon prepagá.

Nos ta sigui brinda nos servisionan na nos klientenan, ofresé konseho i kompartí nos mihó forma di prosedé durante e periodo aki.

Nos ta yamabo danki pa bo konfiansa kontinuo den nos Banko.