WILLEMSTAD:- Maduro & Curiel’s Bank ya pa basta tempu ta stimulá su klientenan pa hasi uso di su servisionan asina yamá “Self-service Banking” pa fasilitá kliente su eksperensia bankario. Durante lunanan di yüli, ougùstùs i sèptèmber Bo Banko Amigu a kore su kampaña “Banking on the Go”.

Un kampaña kaminda klientenan por a haña informashon tokante e diferente servisionan “Self-service” ku Banko ta ofresé i partisipá outomátikamente pa gana e premio di 100.000 Fun Miles ora hasi uso di un di e servisionan aki.

Servisionan di MCB ku ta kualifiká komo “Self-service Banking” ta: Hasi transakshonnan bankario i/òf rekargá telefòn prépago via MCB Online Banking, hasi uso di MCB Mobile App, hasi pago òf rekargá telefòn ku PAGOmatiko, rekargá telefòn ku SMS 1111, lanta òf depositá sèn òf rekargá telefòn na un Bankomatiko di MCB.

E felis ganador di e kampaña “Banking on the Go” ta sr. Marlow Meulens.

Maduro & Curiel’s Bank ta gradisí tur esnan ku a hasi uso di e servisionan di e kampaña “Banking on the Go”. Sigui hasi uso di nos servisionan di “Banking on the Go” i eksperensiá pa bo mes kon fásil i lihé nan ta.