Fundashon JAG a entrega premio na Grupo di Tiner di Aña 2019 i tambe di Marcha di Kabai 2019.

Esaki a tuma lugá djasabra anochi na Kleine Werf, kaminda ku tur e gruponan ku a partisipá por tabata presente pa asina risibí nan premionan. For di man di representante di AGKK ku na e momento ei a risibí e ènvelòp ku e resultadonan a pase pa sr. Juni Aniceta.

Premionan a wòrdu repartí di e siguiente forma : Grupo Mas Original, Mas Kreativo, Mihó Show i Ambiente a bai pa Grupo M.I.L.. Roadpiece mas Impaktante  i Premio Back to Basic, Grupo P.I.K..

Komo Grupo di Aña Tiner 2019, Segundo Finalista, Maristella SBO, Promé Finalista, S.A. Carnival Group i komo e Grupo di Aña 2019, M.I.L.. Un representante di Lovers Global a hasi entrega di un regalo na tur e tres finalistanan di Tiner.

Den e Marcha di Kabai tambe a saka e premiashon riba e anochi aki. Komo Segundo Finalista, Royal Guards, Promé Finalista, Rancho De Herberg i komo Grupo di Kabai di Aña 2019, Criadero el Hijo de David.

Un pabien sigur na tur e grupo nan ku riba e anochi aki a wòrdu premia.