Willemstad- Fundashon Mayor di Kriansa a  keda fundá na aña 2009 di kual e presidente ta Claudette Schoop mirando e nesesidat ku tin den komunidat pa yuda muchanan ménos privilegiá. Aktualmente e fundashon tin mas o ménos 150 mucha di 0 pa 18 aña kendenan ta risibí yudansa riba tereno emoshonal, edukashonal i finansiero serka Fundashon Mayor di Kriansa i mester bisa ku esaki ta un trabou inmenso di kua no ta posibel sin fondo Pa e motibu aki e fundashon ta keda konta ku koperashon di spònsernan i tambe pa tene organisá eventonan pa rekoudá fondo pa por logra nan meta. Dia 20 di aprel próksimo, esta Pasku di resurekshon e fundashon tin e honor di por konta ku presentashon “Los Angeles Negros”, un di un dje gruponan mas prestigioso i eksitoso di añanan 60 bin ariba den un fiesta titula: Recordar es Vivir, repetirlo es mejor” huntu ku Arnell i Orquesta ku su kantantenan Dennis Cecilia, Mafalda i Ibi i tambe ERA  Outentico. Ken no ta korda e hazañanan ku kansionan manera “Esta noche la paso contigo”, “Me cai de la nube”, “Dejenme si estoy Llorando”, “Si las flores pudieran hablar”, Murió la flor”, “Como quisiera decirte”, “ Tu recuerdo” i tambe “Amar y vivir”. E grupo chileño/mehikano aki for di momentu ku nan a lanta na 1968 nan a konosé éksitonan grandi ku a hiba nan na masha hopi rekonosementu ront mundu. E bos di Germain de la fuente kende pa basta aña kaba debí na su salú no ta forma parti di e grupo aki tabata koutivá i konkista kurason di hende. Awendia e grupo ta konta ku integrantenan ku tin e mes un kolo di bos ku esun original i ketubai ta biaha rònt mundu dunando presentashonnan pa publiko grandi. 2014 ta un aña di un agènda hopi druk pa e grupo aki ku ta presentando na diferente suidat di Merka, Inglatera, Italia, Francia, Canada, Australia, Hulanda, Spaña, Suisa, Belgika, Austria, Dinamarka i diferente pais mas i nos por ta orguyoso ku Kòrsou ta tin e oportunidat di haña un fecha riba nan agènda hopi yen. Despues di a hasi un sondeo serka hopi persona ku konosé e grupo aki, nan a pidi pa por fabor, NO trese nan pa konsierto, sino den un fiesta baliabel i esei a pone ku e fundashon a skohe Arnell i Orquesta i tambe ERA pa huntu ku e grupo internashonal aki hasi anochi di kada unu ku bishita e fiesta aki, unu inolvidabel. E fiesta lo tuma lugá na Wiri weg 16  di 6 or di atardi pa 1 or di mardugá. (pues estilo Pik nik) Fundashon mayor di Kriansa ta spera koperashon di henter pueblo di Kòrsou pa asistí masalmente na e fiesta aki pa nos por logra nos meta pa e muchanan ménos privilegiá di nos fundashon. Entrada Entrada general ta kosta  fl. 75,– Esaki ta inklui 2 bebida Sekshon  Brons  ta kosta fl. 125,– ta inklui 4 bebida i Snacks Sekshon Silver ta kosta fl. 175,– ta inklui 6 bebida i un mini bufet Sekshon Gold ta kosta fl. 250,– area preferensial, 8 bebida i bufet. Karchinan lo ta optenibel na Mensings Caminada i tambe na Beeb beeb Rio Canario. Pa reservashon di mesa por yama 510 1533 / 528 6604 /510 1676 Riba e dia aki lo tin Vigilansia pa tur outo