Willemstad; Na fin di aña 2019 Kara Productions huntu ku Landhuis Bloemhof a presentá Mondi Mágiko pa prome biaha na Kòrsou. A kombertí e mondi di Bloemhof den un Mondi Mágiko yen di lus kontando historia pa kada un ku por a eksperenshé.
Durante dos luna a risibí mas di 18.000 bishitante I tur kos tabata planeá pa bolbe ripití Mondi Mágiko na 2020. Pero mirando e desaroyonan rondó di Covid 19 nos ta kere ta responsabel pa posponé Mondi Mágiko 2020. Ku bista positivo nos tur ta karga speransa ku aña 2021 e situashon lo ta mas sigur.

Danki na tur ku a mustra interés i atenshon. Salú na prome lugá. Kara Productions i Landhuis Bloemhof .