Pueblo lo por disfruta di whisky nobo di Tropical Bottling Co.

ORANJESTAD, Aruba – Juni 2018: Tropical Bottling Co. ta orguyoso di anuncia cu lo introduci Dewar’s 15 na Aruba y lo lans’e durante e fin di siman di Aruba Summer Music Festival 2018 dianan 29 y 30 di Juni y 1 di Juli. E aña aki Chill y Dewar’s a uni cu organisadonan di Aruba Summer Music Festival pa presenta artistanan local y internacional.

Tropical Bottling Co. ta contento di forma parti di Aruba Summer Music Festival y pa lansa nan producto nobo pa pueblo di Aruba. E festival ta hopi grandi e aña cu artistanan renombra, tanto local como internacional.

E Dewar’s 15 ta un whisky traha door di un hende muhe, Stephanie MacLeod, e di 7 generacion di famia Dewar’s. E whisky Dewar’s 15 ta un expresion intermediano, expande den e linea di 12 y 18 aña. E ta mescla den bari di ex-sherry y bourbon, despues ta pone nan hunto den bari di oak. Whisky bieu y hoben tin nan mesun caracteristica unico, di cual Dewar’s a mustra di ta maestro di alkimia cu nan linea mundial renoba.

Dewar’s ta un marca di “blended” Scotch Whisky, cu ta pertenece na e famia di Bacardi. Nan ta masha conoci pa e nomber “White Label” cu ta un di e whiskynan miho bendi na Merca y na Aruba! E whisky ta conoci desde aña 1846 y a nace na Scotland. Dewar’s ta un marca mundialmente renombra y bou e mesun marca e ta popular pa su productonan “White Label”, “Dewar’s Scratched Cask”, “Dewar’s 12”, “Dewar’s 15”, “Dewar’s 18” y “Dewar’s 25”.

E prome dia di Aruba Summer Music Festival 2018 lo ta diabierna 29 di Juni, lo por disfruta di e artistanan internacional Ozuna y Nacho, tambe di e bandanan local Buleria, N’Fuzion y D’Licious. Diasabra dia 30 di Juni lo disfruta di artistanan internacional Victor Manuelle, Eddy Herrera, Felipe Pelaez y Fonseca, mientras e ultimo anochi lo tin e bandanan KES The Band di Trinidad & Tobago y di Aruba lo t’ey Tsunami y Le Groove. Por cumpra carchi di Aruba Summer Musical Festival na Sandra’s Garden.