MCB ta sigui sostené proyektonan lokal i inovativo

Willemstad –  Urban Chase ta un ‘game app’ sumamente popular bou di nos hóbennan.   Urban Chase ta keda produsí lokalmente pa e hóbennan sumamente dinámiko i kreativo di Area 51 i Maduro & Curiel’s Bank den su afán pa sigui sostené proyektonan lokal i inovativo a inkluí LITO, e amiguito spardó den e wega.

Urban Chase a keda lansá den desèmber 2014 i ya kaba tin mas ku 20 mil download. Urban Chase tin komo meta pa entretené, pero tambe eduká dor di hasi diferente pregunta tokante Kòrsou ku e usuario por akumulá punto. Por download Urban Chase grátis via Google Play i tambe App Store. Hungando e wega Urban Chase partisipantenan tin chèns di gana premionan fabuloso di un di e 18 partnernan.

Di un manera hopi divertido a inkluí LITO, e amiguito spardó den Urban Chase huntu ku diferente otro ídolo i héroe lokal manera Chichi, Area 51, Churandy Martina i Andrelton Simmons.

Riba potrèt por mira e hóbennan di Urban Chase Ryan Navarro, Xavier Navarro, Yasser Casseres ku LITO i Adayfa de Lannoy di MCB.