Djasabra atardi 7 hóben kompaña pa tres agrupashon rítmiko a demostrá nan talento kultural dilanti un tremendo públiko den Hòfi Sterke Yerke, ku a resultá chikí pa e evento aki.

GRIK, Den Chikí i Grupo Rítmiko SABLIKA a kompaña e 7 hóbennan aki ku a sa di demostrá nan amor pa nos Kultura, kaminda ku despues di nan promé presentashon, tur 7 mester a bolbe presentá pa e desishon final pa hurado enkabesá pa sra. Niata Augusta.

E resultado tabata lo siguiente, kantante Mas Disiplina i Dinámiko a bai pa Quincin Dorothea, Mihó Bos i Mihó Aktuashon pa Lisanne Thomasia, Premio Estímulo pa Quincin Dorothea i Mihó Letra pa Queen – Jeana Antonia.

E finalista nan a resultá di Dos Finalista a bai pa Queen – Jeana Antonia, Promé Finalista a keda eligí Charelson “Sontje” Mercelina i komo ganadó apsoluto, Bos di Kunuku Banda Riba 2018 a resultá Lisanne Thomasia ku su kansion titulá “ Ban pa No’ Ban”…..komposishon di Andira Reenis, kompaña pa Grupo Rítmiko SABLIKA.

Direktiva Kultural Banda Riba kier a gradisí tur persona ku a kere den nan i spesialmente Green Power Generator, Deurwaarderskantoor Bazur, Leo Sound, Tapirama, Grupo Rítmiko SABLIKA, sr. Alvin Gerard, sr. Sherman Felipa, sr. Roelme Alberto ( Bolly), Coca Cola, sr. Johnny Isabella, EF Creations, R and J Towing, Kentley Clean Painting, Angels Embroidery, sr. Richardson, Propietario di Hòfi Sterke Yerke i Direktiva Kultural Banda Riba.