Crown Furniture & Electronics a entrega “weekend stay” na mama y su yiu

ORANJESTAD, Aruba – 3 di april 2016: Durante temporada di Semana Santa, Crown Furniture & Electronics a organisa un campaña espectacular, special pa Pasco grandi. E campaña “Mustra nos BO webo” of “Show me your Eggs” a haya un tremendo reaccion den comunidad specialmente riba Facebook unda cu den algun dia esaki a bira masha popular mes. Pa participa na e campaña aki mester a saca un potret creativo cu webonan di Pasco y mand’e riba e pagina di Facebook di Crown.

Despues di a ricibi masha hopi potret creativo cu webo di Pasco, dia 29 di maart, Crown a anuncia e feliz ganado den persona di Linda Gei. E bunita creatividad di Linda su yiu Lindsey Gei a logra cu Linda a gana un tremendo “weekend stay” na Hilton Resort Aruba. Diaranson atardi Linda Gei hunto cu su yiu Lindsey, a ricibi nan premio na Crown Boulevard. Ambos a keda hopi contento cu e regalo.

Crown Furniture & Electronics ta gradici un y tur cu a participa na e tremendo campaña aki y ta invita tur su fans nan pa keda pendiente paso ta bay tin mas campañanan cu premionan atractivo na caminda.

Crown ta invita tur su clientenan y henter comunidad pa pasa na su tiendanan y disfruta di e tremendo promocionnan cu Crown semper a sa di brinda. Nan tin un coleccion fabuloso di aparatonan electrico y electronico di renombre, e escogencia mas amplio di mueblenan y un variedad grandi di regalo y acesorio pa tur gusto. Cu facilidad di pago y campañanan espectacular, clientenan semper ta haya locual nan ta buscando na Crown.

Crown Furniture & Electronics a sirbi riba 60 mil cliente den e ultimo decada y awo ta cla pa sigui brinda mas y miho servicio di dialuna pa diasabra entre 9’or di mainta te cu 8’or di anochi, mientras cu riba diadomingo e ta habri di 10or di mainta pa 2or di merdia. Crown Furniture & Electronics a bira masha popular pa su formula di duna 25% di descuento riba compra cash, espacio pa paga den 6 luna sin interes y sino un posibilidad pa paga den 24 luna di tempo.