Levi Silvanie ta bèk k’un kansion nobo. I definitivamente e no ta lokual bo ta spera. Pa e kansion aki Levi a traha huntu ku Giovanni Giribaldie mihó konosí komo Zoinx (un di e rèpernan mas respetá di Kòrsou) i Epic Kids Group (dirihí pa Ruckly Ettienne). E mensahe di e kansion aki ta diferenshá for di e kontendio komun di Levi Silvanie. Nos tur ta biba den presente I no ta para

ketu pa analisá kiko nos ta hasiendo. E ousensia di kombibensia ta pone ku nos tin hopi kos pa drecha. Nos tur ta kapas pa logra tur lokual nos ke I e solo echo ku nos ta na bida ta nifiká ku tur

kos ta posibel. Pa hasi kosnan posibel nos mese traha pa logra esakinan. Rònt mundu nos komo hende tin e tendensia di keda den nos zona komfortabel. Nos mes por dirihí nos bida mane nos ke. Komo hende nos esfuersonan hopi biaha ta trese resultadonan negativo. Kiko nos komo habitantenan di Kòrsou a logra for di 10-10-10? Di bèrdat nos ta mas mihó pará ku 3 aña I mei pasa? I no ta nos so na Kòrsou ta sintá ku e preguntanan aki. Ta tempu pa nos komo hende kuminsa wak nos mes. Logronan grandi ta kuminsa ku pasonan chikitu. Ser e prome. Wak bo mes. Levi su musika

ta optenibel na Mensings Caminada, Miles Jazz Café I tambe online den iTunes Music Store, Skèmpi i Spotify. Pa mas informashon tokante Levi Silvanie, su kansion nobo I proyektonan pa future bishitá: www.levisilvanie.com. Nota pa redakshon, no pa publikashon Pa mas informashon tokante #WakBoMes i/of Levi Silvanie, por manda email na holla@levisilvanie.com.