Willemstad,  den e luna di sèptèmber Jessy Waal lo kuminsá ku lèsnan di baile Folklóriko pa mucha i hende grandi. Jessy Waal tin 41 aña aktivo den e mundu artístiko aki na Kòrsou. E ta un persona dinámiko ku tin su mes grupo di baile,  Crazy Teremoto. E  ta forma parti den diferente grupo di baile manera Dushi Kòrsou aparte di esei  e ta duna show folklóriko pa turistanan ora ku barku krusero yega na Mega Pier.

Jessy ta na kabes di “JW Organization” ku ta organisá diferente sertámen manera Mama Modelo  i Prinsesita i Mini Gala Modelo.

Dor di su trayektoria artístiko e la bin ku e inisiativa pa duna bek, tur loke e la siña durante di su añanan komo bailarina.  Ta pa e motibu ei, e lo kuminsá  ku su lèsnan  di Mazurka, Wals, Danza, Seu, Tumba, Tambú den e luna di sèptèmber.  Bo por partisipá individual, bo por forma bo propio grupo òf si bo tin un empresa i bo ke pa bo trahadónan ta aktivo den eventonan kultural esaki ta net un bon opshon.  Muchanan for di 5 aña tambe ta bon bini i na nos penshonadonan ku ta buskando algu pa hasi den nan tempu liber esaki ta e oportunidat.

E lèsnan lo tuma lugá na teatro Luna Blou . Si abo ke partisipá no duda i yama Jessy Waal awe mes na number di Telefon: +5999 661-1036 òf +5999 517-9433