Leo Club Curaçao ta e ala hubenil di lions club Curaçao. LEO ta para pa “leadership experience and opportunity” kual ta nifika ku nos ta duna “young professionals” e oportunidat pa krea eksperensia i bira nos lidernan di futuro. Den pasado Leo club tabata konsistí di muchanan di 14 pa 29 aña pero awor esaki a keda di split den dos. E promé club, Leo club Willemstad, ta konsistí di muchanan di 14 pa 17 aña. E club aki kual ta Leo Club Curaçao ta konsistí di personanan di 18 pa 29 aña di edat. Nos meta di mas grandi ta pa yuda nos komunidat di e miho manera ku nos por. Pa hasi esaki nos ta organisá fundraisings pa kolektá fondo pa asina nos por yuda instansianan i personan den nesesidat. Pues tur fondo kolektá lo keda hinká bèk den komunidat. E fondonan di e “fundraising” aki lo bai pa entre otro un proyekto di sanikolas den desèmber benidero.

Dia promé di novèmber 2018 na Landhuis Klein Kwartier nos ta bai tin un “Tapas Night Bites & Booze, all you can eat Tapas”. The Trader ta e kompania enkargá ku e Tapas Night. Lo bai tin diferente sorto di Tapas, galiña, karni, kos nan di laman i lo bai tin Tapas pa esnan ku ta vegetariano tambe. Bebida nan lo bai ta na un bon preis spesial, Mi Mojito tambe lo bai ta presente e anochi aki. Muziek e anochi aki ta na enlarge di Dj Kroksz, Menasa i Mc Don T. Karchi nan ta solamente 60 florin. Pa kompras di karchi por contact nos mes persona na 517-4862 / 520-3973 / 5617711 /516-4619.