A petishon general, dia 15 di juni 2013, Curacao Lions Club ta bai organisa su di dos fundraising pa e anja aki. Esaki lo tuma luga na Landhuis Brakkeput for di 9or te ku 2or. Pueblo a bin ta pidi pa basta tempu kaba pa un di dos fundraising i Curacao Lions Club ta bai kumpli. Meta di e fiesta aki ta pa rekouda fondo pa Asosashon Totolika pa asina ei nan por kontinua ku e trabou tremendo ku e Asosashon aki  a bin ta desplega durante di 40 anja. Brakkeput lo wordu komberti den un area Caribense/Tropikal. Di 9or pa 11or lo tin oportunidat pa saboria di e tremendo areanan di grill ku lo bai tin.  Aki por disfruta di muziek di de Lions Band, un tremendo steel pan y tambe DJ Boogie Man. 11or lo pasa pa e parti ku lo wordu batisa komo e gran salon. Akinan por bai disfruta di “Dennis Aalse i su big band”. Den e kaso aki algu uniko lo bai pasa. Tasina ku e big band lo ta bailabel!!! Huntu ku e big band lo bo tin artistanan manera Farley Lourens, Maruga Boogaard, Hendrik de Windt , Andrew Aalse y Julio .Muziek Caribense i latinoamerkano lo predomina e anochi aki. Komokiera ku ta bispu di Dia di Tata….Curacao Lions Club lo ta bai tin un sorpresa pa tatanan 12or anochi !! Keda pendiente !!! Traje pa e anochi aki ta : Caribense/Tropical. Karchinan lo ta na na rason di 150 florin y logikamente ta all in !! Karchinan ta optenibel serka tur miembro di Lions club y pa mas informashon di karchi tambe por bai riba e facebook di Curacao Lions Club.