Despues di 11 anja, Aruba ta logra atrobe!

ORANJESTAD – Star Promotion Foundation ta hopi orguyoso di por anuncia cu Aruba su representante na e certamen internacional Miss Mundo 2013, Larisa Leeuwe a clasifica den e top 20 muhernan mas bunita di mundo! Despues cu 1 luna pasa nos Miss Aruba Larisa Leeuwe a sali pa competi na e certamen cu a conta cu 127 pais participante, esta Miss Mundo 2013, diasabra mainta Aruba por a mira e certamen atrabes di canal 12 y tambe canal 26 y mira con nos yiu di tera a resalta entre e 127 paisnan y logra clasifica den e top 20. For di dia cu Larisa a wordo corona como Miss Aruba na anja 2012, Larisa a traha hopi duro den comunidad y a recauda hopi fondo pa fundacionnan cu tabata falta ayudo financiero. E trabou aki sigur a causa impacto na Indonesia, ya cu Larisa su proyecto di “Beauty with a purpose” a figura entre e 10 mihor proyectonan di e certamen. Nos ta hopi contento y orguyoso di e logro bunita aki, mirando cu ta despues di 11 anja cu Aruba ta logra clasfica atrobe den e certamen “Grand Slam” aki. Hopi pabien Larisa! Pabien Aruba!