E biaha aki ku 12 premio èkstra en konekshon ku su 65 aña.

Willemstad – Manera ya pa hopi aña ta un tradishon, Landsloterij e aña aki ta bolbe ku su sorteo mionario riba promé di yanüari 2017. Riba e promé dia di aña un persona di  Kòrsou, Aruba, Bonaire, Sint Maarten, Saba òf Statia lo ta felis ganadó di e premio gordo di un mion florin òf e segundo premio i terser premio di respektivamente Ang. 200.000,- òf Ang. 100.000,- mas un gran kantidat di otro premionan efektivo.

Na mart próksimo Landsloterij lo selebrá su di 65 aniversario. Den kuadro ku esaki E aña aki nos a pone 12 premio èkstra sumamente atraktivo di sea Ang.10.000, Ang. 7500, Ang. 5000,- of Ang. 2500 pa hasi kompra na bo establesimentu deseá.

Nos ta sumamente gradesido pa e sosten ku nos a haña den 2016. Ta pa e motibu aki nos lo sera aña 2016 na un manera festivo Dia 29 di desèmber próksimo di 4 or pa 8or na Landsloterij den Breedestraat Otrabanda. E selebrashon lo konta ku animashon musikal di e konosido DJ Ro-1 i tambe Zojojo. Pa kompletá e selebrashon nos lo bai tin tambe presentashon di Mai Yeta i e Boskwiri ku lo tei pa bende abo e biyechi ganadó.

Landsloterij ta deseá na tur su rebendedónan i pueblo di Kòrsou un  BON  PASKU  y  un  FELIS  ANJA  2017.