MIRANDO E ULTIMO DESAROYONAN RONDO DI COVID-19

Willemstad: Mirando e último desaroyonan rondó di Covid-19 i eskalashon di e medidanan rondó di esaki dor di Gobièrnu di Kòrsou, Landsloterij ta posponé e sorteo di 8 di aprel 2021 te un próksimo aviso. Entrante djárason 24 di mart 2021 ofisina di Landsloterij ta sera pa benta i kambio di Brièchi. Benta di Brièchi ta stòp temporalmente pa e teritorio di Kòrsou i Boneiru, mirando ku tantu Kòrsou i Boneiru na e momentu nan aki ta den un asina yama “Lockdown”. Aruba i islanan ariba e benta ta sigui normal.

Landsloterij ta urgi tur kumpradónan di Brièchi ku ya tin nan Brièchi pa sorteo 2104 di dia 8 di aprel 2021 pa warda esaki bon, i no tir’e afó.  Landsloterij ta keda sigui e medidanan tuma dor di Gobièrnu di Kòrsou di aserka, pa asina tur kos bolbe na normalidat reanudá benta di brièchi na rebendedó i pago di premio. Tuma nota di e diferente medionan di komunikashon i plataformanan sosial pa e anunsio di e fecha nobo di e sorteo posponé plùs tur informashon adishonal tokante di benta di brièchi i pagamentu di premio.

Landsloterij ta pidi tur rebendedó i kumpradónan di Brièchi, i pueblo di Kòrsou kompletu pa ban sigui e reglanan di higiena i distansia sosial, ya asina huntu nos por frena plamamentu di e vírùs.

Pa mas informashon bishitá nos website, página di Facebook òf instagram.