Willemstad – Ku hopi orguyo Landsloterij ta introdusí su logo i lema nobo: Ata bo Sa!

E ‘rebranding’ ta enfoká riba modernisashon di e imágen di e loteria ku ya pa 67 aña di un manera íntegro ta wòrdu organisá. E identidat nobo ta bai ‘live’ for di 22 di mart 2019 na Kòrsou, Aruba, Boneiru, St. Maarten, Saba i Sint Eustatius.

Klientenan na Kòrsou i e diferente islanan lo kuminsá tuma nota di e kambio di logo den tur material di promoshon i gradualmente lo hasi kambio den otro detayenan manera entre otro e website.

Dia 4 di aprel próksimo Landsloterij lo rifa un kantidat grandi di premio durante e di dos sorteo mionario di aña 2019. E tres premionan mayó pa e sorteo aki lo ta ang. 1.000.000, ang. 200.000 i ang.100.000. Ademas di e premionan mayó e sorteo aki lo konta ku 2446 premio mas, inkluyendo e premionan derivá. Landsloterij ta invitá pueblo di Kòrsou kompletu pa kumpra nan brièchi pa nan ta den e wega mionario aki.  E preis pa un tabla di brièchi ta Ang. 160,- i un pida ta ang. 16,-.

Keda pendiente pa mas inovashon, kampaña atraktivo  i muchu mas premio’. Bishitá www.landsloterij.org,  e página di Facebook di Landsloterij: www.facebook.com/landslotterij

i tambe e página di Instagram di Landsloterij.