Un sistema nobo kaminda tur persona por skèn e code riba nan Brièchi i di e manera aki por sa si e la kai den e premio.

Entrante djaweps 11 mart 2021, ora resultadonan di e sorteo di Ang.500.000 ta konosí, tur persona por kuminsá hasi uzo di Landsloterij su sistema nobo di check brièchi ganadó ‘Brièchi skèn’. E aplikashon di Brièchi skèn ta un sistema nobo kaminda kumpradónan di Brièchi por skèn nan Brièchi i sa na un manera sumamente fásil si nan a kai den premio di e respektivo sorteo.

Kon e ta traha? Usuarionan ku un “smartphone” mester simplemente focus e kámara di nan telefòn riba e QR- code di nan Brièchi i scan e. Outomátikamente un paginá = ta habri kaminda e resultado di e Brièchi ta publiká. Usuarionan ku no por skèn ku nan kámara por bishita Landsloterij su website i klik riba e boton di “Briechiscan” riba website pa habri e aplikashon di skèn.

Naturalmente e otro sistemanan pa check Brièchi, manera e famoso lista di Brièchi ku ta sali den korant plùs e sistema di check Brièchi via nos website ta keda vigente.

Di e forma aki Landsloterij ta sigui inova i bini ku kosnan nobo, pa brinda nos kliente nan un manera mas fásil pa por sa si nan ta un ganadó.

Pa mas informashon di e  Brièchi scan  por bishita Landsloterij su paginá di website, www.landsloterij.org òf e página di facebook òf Instagram.