Willemstad – Ya pa algun luna     Landsloterij a bin ta pone algun premio èkstra pa hasi e sorteonan  mas atraktivo pa e kumpradó di brièchi. Djaluna 2 di novèmber 2020, Landsloterij a hasi entrega di e premio èkstra na dos di e tres ganadónan di e premio èkstra di sorteo 2016. Sra. Soraindry Clarinda i Sra. Denise Murray kada un a gana un Toyota Agya nobo nobo di Garage Cordia.

Direktor di Landsloterij señor Angelo Guillermo den presensia di Embahador di Landsloterij Dongo a hasi entrega di e yabi di dos di e tres outonan ku a wòrdu rifa durante  sorteo 2016, dia 8 di òktober último. E ganadónan a keda masha kontentu ku nan outo nobo danki na Landsloterij i Garage Cordia. E di 3 ganadó ainda no a presentá na Landsloterij pa reklamá su premio. 

Mas premio èkstra

Despues di basta petishon di kumpradónan Landsloterij a disidí ku e lastu dos sorteonan di aña, ámbos ku e premio mayó di ANG. 200.000  lo tin komo premio èkstra e popular premio di Korementu di Garoshi den supermerkado, kaminda e ganador por kore garoshi i hasi kompas pa 1 minüt largu sin límite. Kumpradónan di brièchi ya por kai den premio dor di kumpra 1 repi di brièchi na balor di ANG 3.50 pa pida. Esaki di sea sorteo 2019 di dia 19 di novèmber òf sorteo 2020 di dia 3 desèmber próksimo. 

Pa pregunta òf mas informashon di nos siguiente premionan èkstra bishitá nos página di Facebook òf sigui nos riba Instagram.

Foto 1: v.l.n.r.  Angelo Guillermo, Roy Huggins, Soraindry Clarinda, Dongo, Tjasiara Allee,

Foto 2: v.l.n.r.  Roy Huggins, Denise Murray , Dongo, Tjasiara Allee, Angelo Guillermo