Willemstad,- Laleget Danza ta un Balèt formá pa bailarin(a)nan profeshonal di diferente nashonalidat ku a enkontrá otro na Mexico pa eksplora baile. Den e gran balet aki ta profila e bailarina yu di Korsou Faizah Grootens. Faizah ta bailarina i koreografo di Laleget. Faizah a tuma e inisiativa pa huntu ku su kolega Diego Vázquez di Mexico pa bin Korsou. Diego Vázquez ta koreografo, bailarin i direktor artistiko di Laleget Danza. Nan a bin Kòrsou den e afan pa laga Kòrsou sera konosi ku nan estilo di hasi Balèt kontemporanio i alabes duna un kontribushon na e mundu di Balèt na Kòrsou. Faizah i Diego a traha diferente piesa basa riba piesanan di e konosido eskritor Gabriel García Márquez. Durante di hinter e luna di Januari nan a duna workshòp na algun hoben lokal ku tin e meta pa sigui desaroyá den baile i bira un profeshonal. Ku e hoben nan aki Faizah i Diego a krea un presentashon ku lo keda presentá komo pre-show. E hobennan ku a partisipa den e tayernan ta di diferente skol di baile di Korsou. E Presentashon nan lo tuma luga djasabra 24 Januari 8or di anochi i djadumingu 25 Januari 7or di anochi na Teatro Luna Blou. Karchi nan ta kosta Nafl 27,50. Pa mas informashon bishita nos página web : www.lunablou.com. Por yama Teatro Luna Blou na 462-2209 òf Facebook Page: Teatro Luna Blou & La Tentashon.