3 di juli proximo, probecha y disfruta un biaha mas

ORANJESTAD – Juli- L.G. Smith’s Sunday Brunch À La Carte ta extende un invitacion pa un biaha mas bo bin experencia e brunch menu à la carte, prepara pa e team culinario di L.G. Smith. Bini hunto cu bo famia y disfruta di un experencia culinario pa unicamente $44,95 pa persona excl. service charge. Un brunch menu à la carte specialmente hinca den otro cu lo bay surpasa tur expectativa.

Como entrada lo tin e.o LG’s Deluxe Deli cu ta inclui ‘chipotle smoked bacon’, salmou y otronan. Den e seleccion friu lo tin e.o Asparagus á la Flamande, un combinacion di oester den 4 diferente manera, e famoso ceviche di pisca fresco of di seafood cu tur hende ta papiando di dje. Den seleccion cayente por disfruta di e.o Escargot Smiths Style, Beef Short Rib y Mushroom Risotto. Ademas di tur esaki, lo tin sopi y salada. Como plato principal por saboria e.o Braised Bistro Filet, Pan Fried Seabass, Pisco Marinated Scallops & Shrimps, Lobster Permentier of e Certified Angus Beef Lomo Saltado. Sin lubida riba e seccion di boca dushi cu lo ta amplio manera semper!

Brunch À La Carte lo ta diadomingo 3 di juli proximo y lo wordo sirbi for di 11’or di mainta te cu 2:30 di atardi, ta recomenda pa haci reservacion na tempo. Pa reservacion por yama 523-6195 of bishita LG Smith’s Steak & Chop House su website www.lgsmiths.com.  Keda na altura di tur oferta special y ultimo acontesimientonan riba e pagina di Facebook di LG Smith’s Steak & Chop House.