Entrante dia 24 di januari proximo:

ORANJESTAD – januari- For di su entrada na LG Smith’s Steak & Chop House, Chef Augusto Riofrio a sa di surpasa expectativa di tur cu a bishita e restaurant. Den temporada di fin di aña, e menu di Chef Riofrio tabata un ‘hit’ total serca tur cliente. Entrante dia 24 di januari proximo lo duna inicio na un temporada nobo na unda cu lo presenta e Sunday Brunch à la carte – un biaha pa luna y pa unicamente $44,95 excl. service charge.

Chef Augusto Riofrio, un Chef Peruano specialisa den cushina internacional y cu amplio experencia den e mundo culinario a hinca un menu den otro cu lo percura pa un biaha mas bo expectativanan keda surpasa. Na yegada disfruta di e.o LG’s Deluxe Deli cu ta inclui ‘chipotle smoked bacon’, salmou i otronan. Den e seleccion friu lo tin e.o Asparagus á la Flamande, un combinacion di oester den 4 diferente manera, ceviche di pisca fresco of di seafood y mucho mas. Den seleccion cayente por disfruta di e.o Escargot Smiths Style, Beef Short Rib y Mushroom Risotto. Ademas di tur esaki, lo tin sopi y salada. Como entrada y plato principal por saboria e.o Braised Bistro Filet, Pan Fried Seabass, Pisco Marinated Scallops & Shrimps, Lobster Permentier of Certified Angus Beef Lomo Salteado. Claro, e seccion di boca dushi lo ta fantasticamente representa!

Brunch lo wordo sirbi for di 11’or di mainta te cu 2:30 di atardi, ta recomenda pa haci reservacion na tempo. Pa reservacion por yama 523-6195 of bishita LG Smith’s Steak & Chop House su website www.lgsmiths.com. Keda na altura di tur oferta special i ultimo acontesimientonan riba e pagina di Facebook di LG Smith’s Steak & Chop House.