ORANJESTAD –L.G Smith’s Steak & Chop House recientemente a ricibi un ‘Wine Spectator Award 2015’. E premio aki ta reconocimento pa e restaurant su lista amplio y extenso di biña cu ta cuadra perfectamente cu e ‘cuisine’ cu L.G Smith’s ta ofrece. Pa por cualifica pa un ‘Wine Spectator Award 2015’ e restaurant mester cumpli cu exigencianan internacional cu ta inclui e.o un lista completo y exacto di informacion di e biñanan cu ta ofrece den e restaurant. E ‘wine list’ mester ta parti di e menu y contene aña di e biña y denominacion pa cada seccion incluyendo biñanan cu disponibel den glas. Ta obligatorio pa pone nomber completo di e  productor y uza ortografia corecto mientras cu e presentacion y apariencia di lista tambe ta wordo tuma den consideracion. Despues di cumpli cu e exigencianan basico e lista ta wordo husga pa un di e tres premionan sea pa e, ‘Award of Excellence’, ‘Best of Award’ of pa e ‘Excellence of Grand Award’.  

E premio di ‘Wine Spectator Award 2015’ ta cuadra perfecto den liña di L.G Smith’s cu hustamente ta pa brinda bishitantenan local y internacional un experiencia culinario di taya acompaña cu biñanan di calidad halto cu ta completa e sabor di L.G Smith’s. Bishita LG Smith’s Steak & Chop House habri di 5:30pm te 11:00pm y comproba p’abo mes cu pa bon cuminda y biña di calidad ta un adres so tin. Pa reservacion por yama 523-6195 of bishita LG Smith’s Steak & Chop House su website of pagina di Facebook pa keda na altura di tur oferta special y ultimo acontesimientonan.