…ofertanan special durante 1 luna largo…

ORANJESTAD –LG Smith’s Steak & Chop House restaurant ta cla pa celebra su di 10 aniversario hunto cu su clientenan. Den transcurso di un luna LG Smith’s Steak & Chop House lo ofrece diferente promocion  pa celebra e ocasion special aki. P a e ultimo dies añanan LG Smith’s Steak & Chop House a sa di brinda pueblo di Aruba y bishitantenan internacional un bon servicio y un experiencia culinario sin igual. Como muestra di aprecio pa e añanan di sosten, confianza y lealtad LG Smith’s Steak & Chop House lo brinda for di 10 di Maart proximo te cu 10 di April un delicioso 3 course menú pa solamente $40. Loke ta haci e oferta aki aun mas special ta cu e di 2 persona lo por disfruta di e mesun menu pa unicamente $10. Scoge for di entre otro; Certified Angus Beef Petite Filet, Certified Angus Beef Delmonic Ribeye, Surf and Turf, Double-Cut Smoked Pork Chop, Grouper Fillet, Grilled Ashley Farm Chicken Breast, Linguini with seasonal Vegetables of Vegetable Wellington.  Pues tin motibo suficiente pa celebra e 10 aniversario di LG Smith’s Steak & Chop House. Scoge for di e chef’s selection menu cu ta brinda carni di calidad superior y na un preis faborabel. Ta bon pa menciona cu e menu special no ta inclui bebida. Tin entretenimento tur diabierna y diasabra for di 6:30PM cu Live Xpressions. E di 10 persona cu drenta LG Smith’s Steak & Chop House lo participa den un rifa pa gana un gift certificate na balor di $300. Yega tempran pa bo tambe por participa! LG Smith’s ta cla pa celebra su di 10 aniversario y ta haci abo un invitacion pa pasa y admira su interior completamente renoba y alabes pasa un rato ameno cu famia completo. Pa reservacion por yama; 523-6195 of bishita LG Smith’s Steak & Chop House su website www.lgsmiths.com, of pagina di facebook pa keda na altura di tur oferta special y ultimo acontesimientonan.