WILLEMSTAD – Mas ku klaro ku no por honra tur petishon sosten, pero esaki si tabata unu masha spesial. Señora Fanny Cohen, e yu mas grandi di fundador Salomon Cohen di Sambil Constructora i huntu ku su rumannan den e hunta di komisario di Sambil, a bin haña sa ku e misa katóliko di Santa Rosa tin un skarsedat di kusinchi pa hinka rudia den e bankinan di misa. Komo ko-akshonista el a regla pa transportá un sèt di nan pa aki. Pastor Greg i algun di su kolaboradornan di parokia Santa Rosa tabata sumamente kontentu di nan ora señora Cohen (pará meimei patras) komo donashon a bin trese un kantidat di kusinchi nobo personalmente na misa.