(Petishon General hopi mayor i hobenan interesa den e pakete )

Models ta un organo di e fundashon International Beauty and Fashion Foundation ku tin komo meta eduka hobenan den e parti di Beyesa i kuido personal a kuminsa e anja aki dunando kursonan na basta mucha i hobenan. E organo aki ta ser maneha pa Tessa Thijm i un grupo di profeshonalnan ku tin e meta duna e hoben un base pa e ta mas konsiente di loke e ta i kon e mester kuida su imagen na nivel pa asina manjan e por ta un hoben bunita i bon kuida. Nos mester bisa ku hinter e ekipo aki ta sumamente kontentu ku e reakshon ku nos a bin ta hanja pa nos ultimo kursonan i awor aki ta bai duna un grupo mas oportunidat di por pasa i hanja e base aki serka nos! Loke Models ta ofrese ta un pakete di 5 siman di kurso kaminda e hoben por dedika tempu i no ta kansa i asina tambe no ta stroba ku skol paso esei pa nos ekipo ta hopi importante. E kursonan ta pa hobenan ku no mester ta modelo por ta hobenan ku uniko lo ke nan ke ta informa i hanja e postura ku nan mester pa nan bida diario. Den e pakete basiko nan ta hanja tur loke ta postura kaminda nan ta hanja lesnan esensial pa kana recht i kon nan por mantene e postura paso e ta importante mirando ku hobenan no ta duna masha atenshon i por hanja problema ku lomba den futuro i tambe lo risibi lesnan di Fotografia pa sa kon saka potret e lesnan ei lo ser duna pa Carlton Jansen ku ta profilando hopi bon den mundu di beyesa i Tessa Thijm ku ta un dama ku un experiensa di hopi anja i den e pakete avansa na momento ku un hoben ya tin un diploma e por ta di un otro agensia of di esnan ku ta pasa over nos ta ofrese e hobenan aki: Makiyahe (Base natural i na okashon), Hygiena Personal, Vestuario i pa esnan ku lo sigui den e mundu di Moda nos lo ofrese nan Pasarela Internashonal e dosentenan di e grupo aki: Sheggeor Sling kordinador di Vestuario pa IBFF, Aubrey America Productor di IBFF i Itel Martis Direct Manager di IM Model Managment ku tambe lo skohe hobenan pa kuminsa skoutnan pa merkado internashonal. Nos paketenan no ta nada kostoso i ta alkansabel pa tur mayor. Nos kursonan aki ta dura 5 siman i hobenan ku partisipa den nos kursonan ku ta kuminsando djarason awor partisipa tambe den Couture Line 2013 “Farm & Fun”. Tur nos hobenan lo gradua e dia aki i lo risibi un diploma ku nan por kuminsa un karera di modelahe of por sinti nan mes bon ku nan transformashon personal! Pa mas informashon por yama 690-4530, 5178585 of 6956491