Djarason 27 di mei Curassavica N.V. huntu ku Curaçao Footprint Foundation lo kuminsá ku un kurso nobo tokante naturalesa di Kòrsou. E kurso aki lo trata ekologia di nos isla, diferente espesie di mata i animal i e interakshon entre e gruponan aki. Ademas lo tin diferente lès den mondi kaminda lo ilustrá e diferente tipo di habitat ku nos tin riba nos isla i e flora i founa ku ta mara ku esaki. Tur hende ku ke sa mas tokante e desaroyo di naturalesa na Kòrsou i e diferente strategia ku flora i founa tin lo haña informashon amplio den e kurso aki. Ademas e kurso, e di dos parti di e kurso Guia di Naturalesa, ta ofresé persona, ku ke mas informashon pa usa den trabou turístiko of edukashonal, informashon amplio tokante ekologia di e isla. Tema ku lo bin dilanti:

– Prinsipio di ekologia di un isla
– Tipo di habitat

– Naturalesa i sosiedat

– Sera konosí ku flora di Kòrsou

– Sera konosí ku founa di Kòrsou

– E problema di espesie invasivo

Banda di e lèsnan den klas lo tin diferente les den ‘field’ kaminda lo bishitá diferente área di naturalesa riba nos isla i kaminda lo ilustrá diferente tema. Dosente den e kurso lo ta Drs. Leon Pors i Ing. Michelle da Costa Gomez. E promé parti di e kurso lo tuma lugá promé ku fakasi grandi, I e di dos parti ta kuminsá na final di òugùstùs. E promé parti di e  kurso ta konsistí di un total di 11 lès den klas riba dia 27 di mei, 3, 10, 17, 24 I 29 di yüni di 18.30 te ku 21.00 or i 2 lès den ‘field’ riba 20 i 27 di yüni. E orario di e lèsnan den field ta di 08.00 te ku 11.00 or. Gastu pa partisipá na henter e kurso ta Naf. 425 pa persona ku ta inkluí material, snèk, kòfi ku te i tambe tur kos durante e ekskurshon nan. E montante ta inkluí ob tambe. Por paga e montante den dos término (225 florin riba 27 di mei i 200 florin ora e di dos parti kuminsá. Inskripshon ta posibel riba via nos email info@curassavica.com. Pa mas informashon por yama e number 522-8289 of manda un mail na info@curassavica.com.