WILLEMSTAD/ Tur hende ya ta preparando pa e di nuebe edishon di CNSJ Festival ku lo tuma lugá for di 29 di ougùstùs pa 31 di ougùstùs próksimo, i Fun Miles tei! Aña pasá tabata promé aña ku Fun Miles a forma parti di CNSJ i mesora a komprobá ku kos bon ta kana huntu. E aña aki miembronan di Fun Miles por bolbe troka nan Fun Miles pa kumpra nan karchi hasiendo uso di nan Miles, eksklusivamente na ofisina di Fun Miles na Dominguito.

Artistanan di taya mundial

E aña aki lo ta e di nuebe edishon di CNSJ festival i públiko por konta atrobe ku presentashonnan di taya mundial. Djaweps dia 29, Djabièrnè dia 30 i Djasabra dia 31 di ougùstùs lo kontené presentashonnan elektrisante  ku sigur lo subi e ‘bilirubina’. Artistanan manera e.o Juan Luis Guerra, Mariah Carey, Nicky Jam, Pitbull, Aloe Blacc, Aymée Nuviola, Black Eyed Peas, David Sanborn, Earth Wind and Fire, Gladys Knight, Havana D’Primera, Kenny G, Maroon 5, Maxwell, Michael McDonald i Third World ya ta konfirmá. Karchi pa anochi ta 3,900 Fun Miles + $150 òf 17,550 Miles.

Pa mas informashon por bishitá facebook.com/curacaonorthseajazz

Tokante Fun Miles

Miembronan di Fun Miles ta disfrutá kontinuamente di oferta, promoshon i eventonan spektakular.

Si bo no ke pèrdè e ‘fun’ sigui nos riba social media, bishitá funmiles.net òf download e App di Fun Miles.

Mas informashon tokante Fun Miles?

Tuma kontakto ku servisio na kliente na number 465 3300, bishitá funmiles.net òf facebook.com/funmiles.