WILLEMSTAD – Desde awor en adelante por troka Fun Miles na Cas Abao, e playa mas bunita di Kòrsou. Cas Abao ta konosí pa su santu blanku, awa kristalino, palmanan bunita i su fasilidatnan, entre kua e popular ‘Daiquiri bar’. Entrada pa outo ku máksimal kuater persona aden ta kosta solamente 500 Fun Miles di djaluna te (inkluso) djasabra i riba djadumingu i dianan di fiesta 625 Fun Miles pa outo. Pa kada persona èkstra mester troka 125 Fun Miles adishonal. Niun kaminda na Kòrsou un dia na playa ta mas ‘fun’ ku na Cas Abou i pa e motibu ei Fun Miles ta sumamente kontentu ku e partner nobo akí.
TOKANTE CAS ABAO
Banda Abou tin masha hopi playa bunita, pero no tin niun ku e benefisionan úniko ku Cas Abou ta brinda. Di un banda Cas Abao ta ofresé un naturalesa sin igual; e playa tin santu blanku úniko i e laman ta asina kristalino ku esakinan por ta esenario pa kualke pelíkula di Hollywood. Di otro banda Cas Abou ta riku na faslidatnan ku ta brinda konfortabilidat na hinter famia, ku parasòl, tualèt, espasio pa kambia paña, kluis pa warda kos di balor, bar i restorant, kaminda pa tuma un masashi relahante i un sentro pa praktiká deporte akuátiko. E último aki ta ofresé no solamente posibilidat pa hasi buseo i snòrkel, pero tambe pa un kareda den Banana Boat, ‘tubing’, kayak i hopi atrakshon mas. Ademas e ta un siteo ideal pa tene fiesta, resepshon di matrimonio i otro evento spesial. Por haña informashon detayá riba www.casabaobeach.com.
Tokante di Fun Miles
Fun Miles pa 15 aña ta é programa grátis di spar i troka di Karibe. Ku mas di 150.000 miembro riba e 5 islanan, Fun Miles ta fuertemente ankrá den e komunidatnan i ta ofresé kada biaha oportunidatnan nobo pa trese kosnan atraktivo mas na alkanse di tur hende ku tin un karchi di Fun Miles. E partnernan di Fun Miles ta varia for di supermerkado te kompania di aviashon i di restorantnan te pòmpnan di gasolin. Por spar Fun Miles na mas ku 150 lokalidat na Aruba, Boneiru, Kòrsou, St. Maarten i St. Eustatius i por troka Fun Miles pa masha hopi produkto i servisio grátis. Fun Miles semper ta sentro di atenshon danki na su kampañanan inovativo (manera e popular kampañanan di fin di aña manera ‘Fungo’), i tambe su partnernan manera Cas Abou.