Desayuno i estreno eksklusivo na The Movies Curaçao

WILLEMSTAD – Brùl di goso! Fun Miles i The Movies Curacao ta invitábo pa mira e tan komentá reprodukshon kompletamente digitalisá di The Lion King. Miembronan di Fun Miles tin e bentaha di mira The Lion King na The Movies promé ku públiko. E desayuno eksklusivo, kombiná ku estreno di The Lion King lo ta riba djaweps 18 di yüli pa 10’or di mainta. Karchinan ta optenibel na Fun Miles i na The Movies Curacao. Ta rekomendá pa kumpra bo karchi lihé; kuponan ta limitá i espektativanan ta haltu!   

Tokante The Lion King

Ken no a yega di mira The Lion King?! Hopi ta kòrda e pelíkula klásiko di Disney ku e leon Simba komo protagonista i e kantika Hakuna Matata ku ta wòrdu kantá dor di e héroenan den e pelíkula Timon i Pumba. E pelíkula klásiko a keda reprodusí i digitalisá usando tur teknologia modèrno i e stèmnan awor ta grabá dor di artistanan manera Beyoncé Knowles-Carter,Donald Glover, Seth Rogen, Chiwetel Ejiofor, Billy Eichner, John Oliver, Keegan-Michael Key, i James Earl Jones. Dia 18 di yüli próksimo e pelíkula ta den estreno!

Desayuno i estreno eksklusivo

Tur esnan ku ta deseá di bai e evento eksklusivo di The Lion King por kumpra nan karchinan na The Movies òf na ofisina di Fun Miles miéntras tin den stòk. Un karchi lo ta 555 Fun Miles i 15 florin òf 1.390 miles inkluyendo un dushi desayuno!

Tokante Fun Miles

Miembronan di Fun Miles ta disfrutá kontinuamente di oferta, promoshon i eventonan spektakular. Si bo no ke pèrdè e ‘fun’ sigui nos riba social media, bishitá funmiles.net òf download e App grátis di Fun Miles.

Mas informashon tokante Fun Miles?

Tuma kontakto ku servisio na kliente na number 465 3300, bishitá funmiles.net òf facebook.com/funmiles.