WILLEMSTAD- 19 di sèptèmber 2013 – CTB huntu ku Ocean Encounters i Sunscape Curaçao Resort a spònser e programa di SUDS (Soldiers Undertaking Disabled Scuba) ku a tuma lugá for di  5 di Sèptèmber te 10 di Sèptèmber na Ocean Encounters’ Sunscape. E programa aki a sá di brinda tantu akomodashon komo eskurshon riba boto i di buseo pa e sòldatnan deshabilitá. SUDS un organisashon non-profit formá ku e propósito pa mehorá e bida di sòldatnan veteranonan deshabilitá via di partisipashon den SCUBA diving (sambuya), a disidí ku despues di dos aña eksitoso di e programa, pa trese e grupo aki Kòrsou atrobe i brinda e grupo un eksperensia karibense den e mundu di buseo. Tabata representantenan di Ocean Encounters, presidente di SUDS  Sr. John Thompson i representante di SUDS  Sra. Carla Chatterton ku a bai di akuerdo pa huntu trese e proyekto aki Kòrsou. CTB ta masha kontentu di por a risibí e oportunidat pa forma parti di un proyekto ku un meta asina bunita. E sòldatnan ku a bishita Kòrsou por wòrdu konsiderá komo héroenan ku a sá di batayá pa nan pais, pues pa por ofresé nan un vakashon na unda ku nan por sinti nan mes spesial, ta algu ku nos por ta hopi orguyoso di dje. Un gradisimentu spesial na tur sobrá spònser ku tambe a sá di kontribuí pa realisá e programa aki; USFOL i kònsùl Merikano.