Karchinan i blusanan ya ta na benta!

Manera ya ta konosí nos selekshon nashonal lo tin ku enfrentá Cuba den e segundo buèlta di e weganan pa eliminatorio pa mundial Rusia 2018. E promé partido lo tuma lugá aki na Kòrsou dia 10 di yüni 8or den Stadion Ergilio Hato (SDK) miéntras e segundo partido lo tuma lugá aya  na Cuba den stadion Perdo Marrero pa 4or di atardi dia 14 di yüni próksimo. Nos selekshon nashonal ta den ful swing ku training i preparashon nan pa nan promé kompromiso kontra Cuba. Dia 17 i 18 di mei último 2 hungadó di nos selekshon residensia na Kòrsou huntu ku Sr.Etienne Siliee, Presidente di FFK Sr. Jean Fransisca i algun miembro di nos staf a biaha pa Hulanda pa uni ku e sobra hungadónan di Hulanda pa asina por kuminsá ku e trainingnan. Den kuadro di e preparashonnan ei, mañan 20 di mei lo bai tin un wega di fogeo entre nos selekshon i Sürnam kual lo tuma lugá aya na Hulanda. Karchinan ya ta na benta pa e partido ku ta tuma lugá 10 di yüni próksimo aki na Kòrsou.

E preisnan ta lo siguiente;

• VIP ta kosta Nafl.250,- (inkluí konsumo);
• Bou di tribuna kubri ta Naf.55,-
• Bou di tribuna kubri parti Festival Center ta Nafl.40,-
• Tribuna no kubri ta Nafl.30,- i den e sekshon aki mucha te ku 12 aña i 60+ ta paga Naf.15.- Karchinan ta optenibel na FFK bou di ora di ofisina, na Pòmp di gasolin Sta Maria, Botika Mampuritu i na Beep Beep. Pronto nos lo kuminsá bende karchi na tur filial di C-Post International tambe. Tambe FFK ta anunsiá ku e blusa nan di nos selekshon a yega i ta optenibel na FFK bou di ora di ofisina na balor di fl.35. E blusanan ta kuminsá na size S i ta yega te na 3 XL. Tambe tin size pa mucha manera size 8, 10, 12, 14 i 16. KORDA KU NO POR ‘SWIPE’ NA FFK! Nos ta pidi tur fanátiko, e number 12, pa kumpra bo karchi i bo blusa trempan pa bin sostené i apoyá nos selekshon nashonal komo e number 12! Nos selekshon i nos hungadónan ta konta kubo sosten masal den SDK dia 10 di yüni pa 8or di anochi!