Color Events ta presentá SUMMERFALL CONCERT

Dia 26 di November próksimo, Kòrsou ta bai konosé e konsierto di tur konsierto ku lo hiba nòmber di SummerFall Concert. Un magno evento ku lo bai wòrdu presentá pa e organisashon di Color Events.

Color Event ya no ta deskonosí. Ta un grupo di promotor ku a kuminsá marka nan nòmber aña pasá na momento ku nan a trese tres artista di Hip Hop/R&B hopi konosí Kòrsou kual tábata no mas i no menos ku Ginuwine, Bobby V i Fatman Scoop den e tremendo evento “Where My Ladies At”, kual tábata un high-end urban dance party manera nunka ántes Kòrsou a konosé. Hopi ta esnan ku a keda komentá di e evento ei i ku a keda puntra ki dia lo tin un ripitishon.

Awor Color Events ta bèk ku su próksimo evento SummerFall Concert. Un konsierto ku lo bai laga tur boka habrí i ku lo pone hopi atenshon internashonal riba Kòrsou. Lo bai tin un line-up di artistanan grandi internashonal den e ámbito di Hip Hop/R&B ku sigur lo bai kai na agrado di tur amantenan di mundu urban.

Djis pa kuminsá kalentá tur e high-end party peeps, Color Events ta sali anunsiá awor aki su dos promé artístanan ku lo forma parti di e line-up pa SummerFall Concert. Dos artista ku no mester niun klase di introdukshon. Ta nada mas i nada menos ku August Alsina i tambe “The Boss” Rick Ross!

Keda pendiente pa anunsio di e sobrá artistanan, sigui Den Bo Bembé i tambe Extra Plus na kanal 8 pa mas informashon tokante SummerFall Concert i no lubidá tambe di LIKE e Facebook Page di Color Events Curaçao. Tambe por follow nan riba Instagram i Twitter.

SAVE THE DATE! 26 NOVEMBER 2016!
Color Events……. Adding Color To Your Nightlife!