A GRADISI PROME KU E SALI PA ST.MAARTEN

Willemstad, Curaçao – Curaçao’s Next Ambassadors, un di e eventonan di mas impaktante ku Korsou a konose pa edifikashon i empoderashon di hubentut pa komunidat. Despues di kasi dos luna intensivo kargá ku eksperensianan uniko den un kompetensia i reality show Face of Beauty. Genesis Raphaela di 20 aña di edat a resulta e ganadora di e anochi final i a risibi komo premio tambe e titulo di Miss Caraibes Curaçao 2013/2014 den su pakete. Genesis Raphaela a konkista kurasonnan di nos nashon ku su manera simpel i konfidente di ekspresa. Awe Genesis a subi buelo pa bai St. Maarten ku Insel Air den e sertamen internashonal Miss Caraibes Hibiscus (e Miss Universo di Karibe, e sertamen regional mas grandi) ku partisipashon di 29 pais konfirmá di Karibe i Amerika. Djabièrnè den un ambiente ameno na Rio Lounge & Sportsbar huntu ku prensa, famia, kolega i finalistanan a tene un “thank you and farewell party” pa duna Genesis e forsa i inspirashon pa e reto nobo komo embahador di nos nashon den Miss Caraibes Hibiscus 2013. Genesis su siman tabata kargá ku preparashon personal intensivo spesial serka Alexis Coiffure, finalistanan di Miss Caraibes Hibiscus, Ruënna Mercelina i Clarissa Alberg. Photoshoot spesial serka un di top fotografonan Kurasoleño Rensley Monart. Un media tour na TeleCuraçao den e programanan Videozoo, E Bon Yu di Korsou, Paranda di Fin di Anja, DJ Atley Live na TCFM, Crazy Morning Show di Dwight de Windt na Direct Live 92.1, i entrevistanan eksklusivo pa Wepa TV di Hulanda, El Informador di Colombia, Amigoe Express i Go Weekly. Un gradisimentu spesial ta bai na Insel Air, Farida de Meza, Sharon Vassell, Tashmine Da Costa Gomez,Steak & Ribs Restaurant, Landhuis Dokterstuin – Komedor Krioyo, amigunan, famia Raphaela Martinez, tur partners di Curaçao’s Next Ambassadors i miembronan di WE LEAD Foundation.