Segun Direktor y fundadó David Mitchell Kòrsou por konta awor ku un punto sentral pa tur loke tin di aber ku biahe riba www.boardingpasstrvls.com , for di aerolínea, produktonan bankario, seguro di biahe y paketenan pa rònt mundu,  kual por wòrdu skohe basa na bo presupuesto. Segun e direktor, E intenshon no ta pa bira un kompetensia pa ningun agensia di biahe, si no mas bien traha ku tur agensia y fungi komo un plataforma y punto sentral pa inkrementa benta, informá y alabes yega na diferente grupo den nos merkado. E página lo konsistí di vários servisio, pero tambe lo tin sugerensianan di tantu biaheronan, eksperto den e industria y opshon di diferente tipo di biahe ekológiko, kulinario, luhoso, pero tambe interkambionan sosial entre diferente pais rònt mundu.

David a sigui splika ku biaha no solamente ta un luho awendia, pero  un forma di siña y un manera pa trese konseptonan ku a funshoná den eksterior I apliká esaki na Kòrsou, tambe e la sigui bisa ku e página lo funshoná riba bo “smartphone” y lo tin un format fásil pa por traha kuné, por lo tantu e lo ta aksesibel na tur momento. E plataforma lo ta aktivo diariamente ku informashon, eksperensianan, avisonan internashonal y paketenan atraktivo pa tur grupo y pòtmòni.

Tambe e la splika ku lo bai tin formanan di pago y muy pronto lo por hasi tur esaki ku bo kredit card. E nòmber Boarding Pass no ta deskonosí, dado ku pa 5 aña kaba nan ta biaha rònt mundu filmando diferente pais, eksperensiando kultura I kustumber, tur esaki lo ta disponibel riba e página www.boardingpasstrvls.com.

Nan a uza e oportunidat mesora tambe pa duna inisio na e temporada nobo di e di e SHOW kual lo bai kuminsá filma na HAITI, NEW ORLEANS, ANTIGUA y diferente otro pais mas. Boarding Pass lo pèrkurá entretené televidentenan i siguidónan di e programa via internèt y televishon. E produkshon ta dirigí spesialmente na e pasahero ku semper ta kla pa eksperensiá kualke aventura ora di biaha, pero ku alabes gusta kònfòrt. Pa esun ku ke tin maske ta e kosnan básiko manera hotèl, transporte i algun aktividat planiá i reglá promé ku sali tambe.

Segun David Mitchell durante e aña aki y e otro lo duna oportunidat na por lo ménos 4 pa 5 hende pa bai na nòmber di e empresa pa eksplorá algun pais y kultura y kontribuí ku kontenido na e plataforma. Boarding Pass Trvls ta situá na Saliña Abou Straat 7 I ta riba Facebook komo www.facebook.com/boardingpasstravels I tambe Instagram.