…CTB i Coridja Stars Productions ta sumamente satisfecho ku e temporada di 2013 Miss Universe …

WILLEMSTAD- 9 di novèmber 2013 – Komunidat di Kòrsou pabien nos 2013 Miss Universe Curaçao srta. Eline De Pool a lusi i pone Kòrsou su nòmber den haltu durante e sertámen di 2013 Miss Universe. Curaçao Tourist Board (CTB) & Coridja Stars Productions ta sumamente orguyoso di tur loke Srta. Eline De Pool i e team di promoshon a hasi na Rusia. CTB i Coridja Stars Productions konhuntamente ku famia i fanátikonan por wak bèk riba un temporada intensivo di preparashon i aktividatnan kuminsando ku e elekshon di 2013 Miss Universe Curaçao te yega e anochi final di 2013 Miss Universe. Kòrsou i Eline De Pool a lusi danki na un plan di merkadeo i un tim prepará pa laga nos representante lusi den su totalidat. Kòrsou su nòmber tabata resoná konstantemente komo un kandidata fuerte durante e sertámen i riba retnan sosial esei tabata hopi notabel. Pa logra ku e maestro di seremonia di e evento preliminar manda un “Shout-Out” pa henter e komunidat di bo pais ta algu hopi impreshonante, teniendo na kuenta ku ta tin 85 otro pais partisipando. Partisipashon na un sertámen di e magnitut di Miss Universe ta algu hopi kostoso sigur si bo ke lusi na un nivel haltu. CTB, Coridja Stars Productions, famianan i spònsernan a pone fondo, tempu i esfuerso pa a logra e presentashon na nivel di nos Eline De Pool. Naturalmente ta un kantidat grandi di hende a koperá i ta na su lugá pa duna kada un di nan e atenshon meresí;   e tim di Coridja Stars Productions, CTB, famia i fanátikonan, Prensa lokal, Norwin Pieternella, Edgar Kock, Charlysen Jansen, Ethlomar van Thijs, Creative Style, Edselyn Rijker, Insel Air i Komunidat di Kòrsou ku a duna nos 2013 Miss Universe Curaçao e sosten pa e por a representá nos dignamente. Kòrsou Pabien. Palabranan di felisitashon na 2013 Miss Universe, Miss Venezuela.