Ban sigui vota pa Kòrsou!

WILLEMSTAD- 11 di desèmber 2013 – Kòrsou ta un di e nominadonan den e kompetensia ‘10 Best Readers Choice Travel Award’. Un komishon di eksperto a selektá Kòrsou komo kompetidor den e kategoria ‘Best Caribbean Island’. E kompetensia, ta wòrdu promové dor di USA TODAY i ta duna tur partisipante 4 siman pa vota pa e destinashon di nan eskoho via di e websáit, http://www.10best.com/awards/travel/best-caribbean-island/ Un persona por vota, 1 biaha pa dia. Ofisina di Turismo di Kòrsou (CTB) ta invitá pueblo di Kòrsou pa vota via di e websáit i asina un biaha mas posishoná Kòrsou komo un joya den region Karibe. Oportunidat di voto ta te ku Djaluna dia 6 di Yanüari 2014, ganadornan lo wòrdu anunsiá riba e websáit dia 8 di Yanüari i despues tambe na USA TODAY. CTB ke motivá nos komunidat di ‘Dushi Hende’ pa sigui ‘kompartí’ e web-link ku tur amistat i familiar rònt mundu e temporada aki i asina yuda Kòrsou den kompetensia pa e ‘10 Best Readers Choice Travel Award’.

 Riba foto:

Screenshot di e websáit ora di vota pa Kòrsou den e kompetensia ‘10 Best Readers Choice Travel Award’.